Larunbatean, hilak 17, 12:00etatik aurrera, mahai-ingurua egingo da Donostiako Komikigunean, 3 Zangotako Komiki Solasak zikloaren baitan, Yurre Ugarte, Irene Borda eta Ainara Azpiazu Axpi komikigileek parte hartuko dute, eta Dani Fano moderatzaile arituko da.
Aurretik, beste bi hitzordu egin ziren ziklo horren barruan: Egile euskaldunak nazioarteko merkatuan eta Umore on, umore gaizto. Bineten azido satirikoa.
Bestalde, Komikigunea komikiak kontsultatzeko eta ikertzeko espazioa da, Koldo Mitxelena Kulturuneko Liburutegiak sortua. “Luis Gascaren bilduma hartzen du abiapuntutzat, eta barruan biltzen ditu komikiak, pulp aldizkariak, fanzineak, jatorrizko obra grafikoa, filmak, komikiari buruzko ikerketak eta abar”.
