eszena

Artedrama Topaketen hamabigarren edizioa, Aulestin

Artedrama Topaketen hamabigarren edizioa, Aulestin

Hil honen 17tik 22ra bitarte, Artedrama Topaketen hamabigarren edizioa egingo da Aulestin. Jardunaldiok Huts Teatroak taularatuko duen Hozkailua antzezlanarekin hasiko da; emanaldia Udal Aretoan izango da, 21:00etatik aurrera. Topaketok Artedramak ondu ditu.

Hilaren 18an, Atx Teatroak Bihotz salataria aurkeztuko du. Egun berean Zanzara taldeak Eltxoak antzeztuko du. Biak ala biak Udal Aretoan taularatuko dituzte, 21:00etan eta 21:30ean hurrenez hurren.

Hilaren 19an, Beheko Larraine taldeak Atte hil aurretik eramango du Aulestira. Hitzordua Udal Aretoan izango da, 21:00etan.

Hilaren 20an, bi izango dira zita antzerkizaleak: Udal Aretoan, 21:00etan, Jadanik hilda (Parasite Kolektiboa) eta Udaletxeko atarian, 21:30ean, Lapur Minak (Cía Tornado).

Apirilaren 21ean, Eromen Produkzioak taldeak Sweeney aurkeztuko du frontoian, 22:00etan. Topaketok hilaren 22an amaituko dira, Artedramak antzeztuko duen Francoren Bilobari Gutuna obrarekin, frontoian, 22:00etan.

Nontzeberri-k bidalita // 2017-04-10 · 09:47:05

Bidali zure albistea >>