Gaurtik hilaren 18ra arte, hainbat bidaiariren testigantza, erakusketa, argazki eta filmak jasoko dituen Bidaiarien txokoa egingo da Bilboko Begoña auzoko Udaltegiko Liburutegian.
Hitzaldiei dagokienez, hauexek izango dira, ikus-entzunezko lanekin lagunduta: hilaren 10ean, Viaje hacia el sol naciente, Aitor Ahedo; 13an, América en bici y en persona, Álvaro Teixeira; 15ean, Landia batetik bestera, Unai Madariaga; eta, azkenik, El viaje de Unai, Andoni Canela. Berbaldiok 19:30ean hasiko dira.
Zine-dokumentalen proiekzioak ere izango dira ekimenean: hilaren 9an, The Mysteries eta Freedom Under Load, Mendi Film Festival jaialdiaren eskutik; 14an, The Important Places eta Akabuko martxea, horiek ere Mendi Film jaialdiak emango ditu; eta, amaitzeko, 16an, Initiation, Miroirs, Sredi Chernyh Voln, El imperio de la luz, Anujin eta Made in Spain, Zinebi jaialdiaren katalogotik hartuak.
Gaur, gainera, Afrika lusofona izenburuko erakusketa inauguratuko da. Bihar, halaber, kontzertua izango da: Dúo Paddam izeneko bikotea.
Informazio gehiago: bilbao.eus.
