Jarduera fisikoaren onurak. Mugitu eta bizi! lelopean abiatuko da aurtengo euskarazko spot lehiaketa, euskarazko spoten sorkuntza bultzatzeko helburua duena. Aurtengoa 8. edizioa izango da.
Aurkeztuko diren spotek “jarduera fisikoak eskaintzen dituen onura fisikoak, psikologikoak eta sozialak” nabarmendu beharko dituzte, “pertsona inaktiboak aktibo bihurtu nahi ditugu jarduera fisikoa areagotuz eta sedentarismoa baztertuz”.
Lanak aurkezteko epea maiatzaren 15ean amaituko da, eta sari banaketa ekitaldia maiatzaren 30ean egingo da, Aretxabaletako Arkupe Kultur Etxeko Zaraia aretoan.
Bost sari banatuko dira: Spotik onena (1.000 euro); Mondragon Unibertsitateko ikasleen spotik onena (500 euro); Publikoaren saria (500 euro); Musika sinkronizazio onenaren saria (300 euro) eta BHklip saria (14-18 urte, 250 euro).
Informazio guztia hemen duzue.
