bestelakoak

2012-07-24 · 09:24:23

Murgil zaitez Nontzeberrin

Nontzeberrik bere udako atsedena hartuko du aste batzuetan, baina hala ere bere edukiak eskuragarri izango dituzue, oporretan zabalik balego legez. Hortaz, Nontzeberriren atal guztiez gozatu ahal izango duzue oporretan ere.

Hala, Albisteen atalaren baitan, Ezleku bat duzue. Bertan, webgunean agertu diren azken elkarrizketak eta kolaborazioek hausnartzeko bazka luzatuko dizuete. Bertan musika taldeei egindako galderak, eta bestelako kontu interesgarriak topatuko dituzue. Baita gure aurtengo kolaboratzailearen testuak ere: Iñigo Bidetxea

Argazkigela diziplina horri dedikaturiko espazioa da, non bertoko argazkilariei gune bat eskaintzen diegun euren lanak erakusteko. Dozenaka argazkilarik erakusten dituzte egunero beren obrak atal honetan, guztiak dira lan interesgarriak, ikusgarriak eta kitzikagarriak. Begietarako bidaia da.

Argazkigintzarekin loturik ere Argazki Haiku duzue. Bertan irudi bat proposatzen zaizue hamabostean behin, eta irudi horrek internautari iradokitzen diona jartzen da haiku moduan. Poesia eta irudia nahasten dira modu fin batean, bat-batekotasunez, sorkuntzari hegoak emanik.

Horretaz gain, Nontze TV eta Nontzeblogosfera atalak ere bisita daitezke. Lehenengoak askotariko bideoak biltzen ditu, baina beti ere ikusgarriak; bigarrena, ordea, Euskal Herriko blogarien zerrenda interesgarria da.

Musikak ere bere esparrua du. Kalesound atalean denetarik topatuko duzue. Bertoko talde askoren musikak bildurik daude atal honetan, talde hauekin kontaktatzeko modua, beren biografia eta mp3 formatuko kantak. Musikarik berriena atal honetan duzue eta entzun nahi baduzue nontzeberrik irratia jarri du, bertoko talde hauen lanak entzun ditzazuen.

Eta amaitzeko Nontzeberrik bultzaturiko lehiaketekin ere gozamena eskuratuko duzue Lehiaketak atalean. Esaterako, aurten Nontzefilmak 12 abiarazi dugu eta bertan ehunka film dituzue ikusteko. Hala ere aurreko edizioetako lanak ere ikusgai izango dira.

Eta Bilblogari, bertso-agenda, bideorik onenak,…

Murgildu Nontzeberriren uretan ere udan!

Nontzeberri-k bidalita

Bidali zure albistea >>

Nabarmenak

2013-05-23 Zarata eta inprobisazioa, L’Mono eta Larraskito lokaletan

Zarata eta inprobisazioa, L’Mono eta Larraskito lokaletan

Musika esperientzia ezberdinak bilatzen dituzte zaleek bi hitzordu interesgarri dituzte gaur, maiatzak 23, eta larunbatean, maiatzak 25, Bilboko LMono eta Larraskito aretoetan, hurrenez hurren. LMono aretoan bi talde zaratatsuk joko dute: batetik, Mesa of the Lost Women taldeak Japoniako Hijokaidan talde mitikoko Junko kantariarekin batera joko du, eta, ...

Euskara sarean sustatzeko ideien lehiaketa

Azkue Fundazioak Euskara Sarean! Egitasmo Lehiaketa abiatu du interneten euskara bultza dezaketen ideiak saritzeko xedearekin. Ideia horiek askotarikoak izan daitezke, hala nola, enpresa bat aplikazio bat, sare sozialetako orrialde bat, lehiaketa bat, programa bat edo kanpaina bat. Ideia ekainaren 10a baino lehen bidali behar da Azkue Fundaziora: info@azkuefundazioa.org. ...

Augustin Zubikarai Saria

Eleberriak idazteko eta beka gisa funtzionatzen duen Augustin Zubikarai sariaren XIII. deialdia iragarri dute Ondarroako Udalak eta Elkar argitaletxeak. Deialdira eleberriak idazteko proiektuak aurkez litezke, jatorrizkoak eta euskaraz sortuak, eta argitaratu ez direnak. Hala, landu nahi den kontakizunaren azalpena, 2-4 orri bitartekoa, hala nola, argumentua, egitura, luzera eta ...

“Topak”, kultura arteko topaketak Donostian

Donostiako Banda Bat elkartearen urteroko ekimena da Topak kultur arteko topaketak. Aurten, ekainaren 3tik 23ra bitarte, hamaikagarren edizioa izango da Guardetxean eta Trinitate plazan. Horretarako, immigrazioa, aniztasuna eta bizikidetza ardatz dituen askotariko egitaraua ondu dute elkarteko kideek beste erakunde batzuekin elkarlanean. Hala, erakusketak, hitzaldiak, tailerrak, performance, musika eta ...

Elkarlaneko eskulturak egingo dituzte Irunen

Maiatzaren 18ean, eta Museoen Nazioarteko Egunaren harira, Birziklados tailerra egingo dute Irungo OIASSO Museoan 11:30etik 13:30era bitarte. Tailerrean elkarlaneko eskulturak egingo dituzte. Bertan parte hartu nahi dutenek erabiltzen ez diren objektuak eraman beharko dituzte tailerrera, bai eta eskulturak egiteko aproposak izan daitezkeen bestelako gauzak ere. Museoak berak ere ...

“Txokolate bihurtzen diren hitzak”, Irati Jimenez eskutik

Ane Zabala, Fernando Perez eta Goizalde Landabasok abiatu duten, eta Bilboko Modesto tabernan egiten den Txokolatea eta Bizkotxoak ekimenera Irati Jimenez idazlea hurbilduko da maiatzaren 21ean, 19:30ean. Hitzak txokolatezkoak izan litezke. Txokolatea hitzek eraiki lezakete Zergatik gogoratzen ditugu umearoko berbak txokolatea bailira? Zer du gure memoriak hain txertaturik ...

“Donostiako Piratak” musika lehiaketa abian da

Donostiako Piratak musika lehiaketaren seigarren edizioan parte hartu nahi duten taldeek maketa edo taldeak berak ekoitzitako diskoa bidali beharko dute maiatzaren 25a baino lehen. Donostia eta inguruetako musika taldeei zuzendua dago lehiaketa: Oarsoaldea, Pasaia,?Errenteria-Orereta, Lezo eta Oiartzun; eta Buruntzaldea, Andoain, Hernani, Astigarraga,?Usurbil eta Lasarte-Oria. Donostia eta inguruetako taldeek ...