ARTEA
Euskal Artisauek "Haserre nago" izeneko erakusketa zabaldu dute Markina-Xemeinen
2007-05-29 l 10:09:59
Euskal Artisauek Haserre nago izeneko ekimen berezia antolatu dute. Autore bakoitzak erabilgarri zen instrumentu bat hartu du, eta erabilezin bihurtu du. Instrumentu horiek ikusi ahal izango dira Markina-Xemeingo Uhagon Kulturgunean antolatu den erakusketan. 
Lan hauen bidez autokritika bat egin nahi da, eta aldi berean, artisautzak duen egoeraren aurrean instituzioen eta gizartearen jarrera pasiboa salatu. Horretaz gainera, eztabaida publikoa sortu nahi da artisautzaren etorkizunaren inguruan, ilun jarriz gero, neurririk hartu ezean desagertu egingo baita.
Euskal artisauen 30 pieza jarriko dituzte ikusgai eta guztiak erabiltezinak izango dira. Jose Pablo Arriaga, Rosa Garate, Edurne Garate, Argia Badago, Eneko Unzalu, Fidel Largatxa, Mariam Mayo eta Felix Picaza artisauen lanak egongo dira, beste batzuen artean, bete ezin den kristalezko entsaladera, jo ezin den alboka, ezin jantzi daitezkeen abarkak, eta abar.
Erakusketa ibiltaria izango da, hau da, Markina-Xemeingo kulturgunean egon ondoren EAEko eta Nafarroako hainbat udalerritan jarriko dute erakusgai. Amaieran, ostera, enkantea egingo dute, eta dirua parte hartu duten artisauei emango zaie.
Uhagon Kulturguneak bidalita
- Amarika Proiektuak ekoitziriko eta Haizea Barcenilla eta Edu Hurtadok eginiko Super-pop izeneko katalogo moduko argitalpena aurkeztuko dute gaur Bilboko Abisal Espazioan, 18:00etan. Bertan, egitasmoaren aleak banatuko dituzte.
- Juan de la Rica artista bizkaitarrak (Bilbo, 1979) Supermeneos izeneko lanak ekarri ditu Eibarreko Portalea aretoraino. Gaurtik hasita otsailaren 28ra arte izango da ikusgai erakusketa hau.
- Amarika A+A Asanbladak eta Zuloa Espazioak antolatu duten Good Shi®t diseinuzko kamiseten erakusketa gaur inauguratuko dute Gasteizen 20:00etan Zuloa Espazioan. Ekimen artistikoak "elastikoa adierazpide gisa" kontzeptuaren inguruan ardazten da. Zabalik egongo da martxoaren 27ra bitartean.
- Nontzeberri web gunea apaintzen duten argazki eder eta ikusgarriak deskargatzeko aukera izaten du beti internautak. Orain urtarrileko irudi txundigarri guztiak dituzue deskargatzeko moduan.
- Bizkaiko Foru Aldundiko Kultura diputatu Josune Ariztondok eta Mertxe Periz margolari eta marrazkilariak Viajeritas erakusketa aurkeztu zuten atzo, Foru Jauregiko prentsa-aretoan. Martxoaren 14a bitartean egongo dira ikusgai Gernikako Euskal Herria Museoan.
- Paris 100 Urte izeneko erakusketa paratu dute Donostiako Kubo-kutxan apirilaren 5a bitartean. Bertan, XIX mendearen amaieratik gerra bitarteko sasoira, eta inpresionismotik abangoardietara doazen 75 arte-lan ikusi daitezke.
- Miguel Ángel Gaüecak (Gatika, 1967) azken zortzi urteetan egin duen lan artistikoaren zati bat biltzen du Gasteizko Artium museoan paratu duten Deals, Shapes and Void erakusketak. Artelanok apirilaren 25era bitartean daude ikusgai.
- Bizkaiko Foru Aldundiko Kultura Sailak eta Leioa, Arrigorriaga, Amorebieta-Etxano, Basauri eta Getxok antolatuta, Bosteko erakusketa aurtengo urtarrila eta ekaina bitartean egingo da.
- Nafarroako Elkarte Fotografikoko kidea den Ander Zugazak (Iruñez, 1981) Errealitate Iluna izeneko erakusketa paratu du aipatu elkarteak Iruñeko Rio Urrobi 3 kaleko beheko solairuan duen aretoan. Zugazaren irudiak ikusgai izango dira hilaren 27 bitartean.
- Montehermoso Kulturuneak Artea eta Ikerketa deialdia aurkeztu du, non arte garaikideko proiektuak bultzatu, erakutsi eta zabaldu nahi diren. Honako ataletan banatzen dira laguntzak: proiektuen ekoizpena, komisaritza, ikerketa eta gidoi baten garapena. Proiektuak aurkezteko epea 2010eko martxoaren 31 arte zabalik.