- ARTEA
- BERTSOTAN
- MUSIKA
- ESZENA
- IKUS-ENTZUN
- LITERATURA
- BESTELAKOAK
BESTELAKOAK
Arrozaren inguruan kulturen arteko jaia egingo da Bilbon bihar
2007-06-15 l 09:23:12
Aldarrikapen eta jai kutsua duen mundu zabaleko gastronomi lehiaketa antolatu du Bilbo Zaharra, San Frantzisko eta Zabalako taldeen Koordinadorak bihar, ekainak 16, Bilboko San Frantzisko auzoan.
Munduko Arrozak 2007 lelopean, arroz lehiaketa egingo da San Frantzisko auzoan larunbatean. Aitzakia horrekin, auzoan bizi diren kultura ezberdinen adierazpenak kalera aterako dituzte jai giroan: lehen aipaturiko lehiaketa gastronomikoa, dantza eta musika, besteak beste, kulturen arteko bizikidetza eta elkartasuna sustatzeko helburuarekin. Jaialdia Iruñean eta Gasteizen ere egingo da.
Hala, egitarau oparoa atondu dute larunbaterako: goizeko 10:00etan Munduko Arrozen lehiaketan izena eman ahal izango da. Ordubete beranduago, umeei zuzenduriko munduko jolasak izango dira, tartean, Kokoriko lasterketa (Maroko), Sokatira (Euskal Herria) eta Mbube Mbube (Senagal).
Eguerdi partean arrozak prestatuko dituzte eta triki eta pandero saioa ere izango da giroa berotzen. 13:00etan Kalejira egingo dute Alde Zaharreko kaleetan barrena eta gero lehiaketaren sari banaketa izango da. Tartean, Munduko Arrozak irrati saioa ere emitituko dute zuzenean Bilboko TAS-TAS irratiaren laguntzarekin. Azkenik, bazkaltzeko ordua iritsiko zaie.
Arratsalde eta iluntze partean, kultura eta herrialde ezberdinetako dantza eta musika ekitaldiak izango dira. Jaialdia iluntzeko 20:30ean amaituko da disko jartzaileen sesioarekin.
Bilbo Zaharra, San Frantzisko eta Zabalako taldeen Koordinadorak bidalita
- Urtero lez, aurten ere, datorren uztailaren 31n, Larrabetzuko gazte asanbladak, Hori Bai Gaztetxeak, 26.Gazte Eguna antolatu du. Zaharrak Berritzen lelopean inoizko oihartzunik sendo eta indartsuena irauli nahi du.
- Gasteizen beste kultura batzuetara hurbiltzeko asmoa duten kultura jardunaldien barruan, abuztuaren 23tik 27ra Indiako istorioak jardunaldi kulturalak burutuko dira. Zinema, haurrentzako tailerrak, erakusketak eta ikuskizunak eskainiko dira hiriko hainbat tokietan.
- Gaur hasiko da Ciudadelarte, Iruñeako Zitadelan eskainiko den programa kulturala. Kontzertuen, antzerkien eta erakusketen artean, 50 ekintza izango dira guztira eta irailaren 3a arte iraungo dute.
- Estatu Batuetako Boise hirian egingo dute bihartik aurrera euskal jaialdia 2010 eta diasporari buruzko mintegiaren VII. Edizioa. Jaialdiak igande bitartean iraungo du eta bertatik dantzariak, abeslariak, kirolariak eta euskal kulturaren baitan dauden artistak pasatuko dira.
- Barakaldoko BECen hasi da gaur Euskal Encounterren 18. edizioa. Euskaltel Fundazioak antolatutako topaketa hau igandera arte izango da egitarau potolo batekin horniturik.
- Nontzeberri, euskaraz publikatzen den atari kulturala, ezaguna izango duzu honezkero. Gaur egun gure webgunea etengabeko aldatze prozesuan dago murgildurik eta laster batean bere formatu berriaz gozatzeko aukera izango duzue.
-
Herrien arteko elkartasuna eta literatur sorkuntza bultzatzeko eta mundu honetan bizi diren gainontzeko lagunekiko hurbiltasuna sustatzeko tresna gisa, Alez Ale Hego-Ipar elkartasun taldeak eta Muskizko Udaleko Ongizate Sailak Osmundo Bilbao Garamendi
lehiaketa antolatu dute. -
Lantegi honek animalien ahotsen unibertsoa ikuspegi ezberdinetatik esploratu nahi du: animalien ahotsak, keinuak eta hauen asoziazioak, zeinuak, komunikazioak, hiztegiak, transferentziak, interpretazioak...
Slavek Kwi adituak zuzenduko tailer berezi hau abuztuaren 9tik 13ra. Hilabete hau amaitu baino lehen izena eman behar da. - Bere lana gobernuz kanpoko erakunde baten edo lekuan lekuko erakunde baten izenean aurkezten duen edonork parte hartu ahal izango du Lankidetza Argazkietan Jasoa lehiaketan. Lehen saria 600 eurokoa da, eta urriaren 15era bitartean duzue epea.
- Euskal Herriko Unibertsitateak antolatzen dituen Udako Ikastaroak ekimen joriaren barruan, Euskara 2.0 gaia jorratuko da gaur eta bihar Ivan Igartua adituaren zuzendaritzapean.