MUSIKA
Bilbao Kolektibo Elektronikoak (BIKE) bere bigarren lana plazaratu du
2007-12-20 l 13:48:54
Orain dela urte bete horren aldeko apustua egin zuen kolektibo honek. Horren froga duzue BIKE 1.0 izeneko lana. Bertan Unai Gonzalez, Mikel Klemente, Insert Beat, Jose Luis Canal, Templar& Birdy, Backbone, Soul a Dos, Idiomatics, Dr J, Amiga, Dr Pinsapo, Fernando Carvalho, Tierra eta musika elektronikoarekin ezin egonak jota dauden beste aditu batzuk sartu ziren. Lan hura, kolektiboaren lehen urratsa izan zen eta Bizkaiko musika elektronikoaren eszenategiko musikari eta sortzaile adierazgarrienen 14 kanta biltzen zituen.
Gaur, Bilboko Global areto luxuzkoan BIKE 2.0 lanaren aurkezpena izan da, lehen lanaren ildotik egindako bigarren apustua. Oraingo honetan 12 artista bildu dira hamabi kantarekin obra landuago bat, osatuago bat eskaintzeko eta plataforma honetatik musika elektronikaren eszena bat aldarrikatzeko asmoz. Disko hau doakoa izango da eta zenbait dendetan beste disko bat erosiz gero honako hau doanik emango da.
BIKE kolektiboaren web orrian ere eskegiko dituzte kanta guztiak internautaren gozagarri. Hala ere, urtarrilaren 19an kontzertu bat eskainiko dute Bilbo Rock aretoan lan berri hau aurkeztu ahal izateko.
Kolektibo honek, musika sortzeaz gainera, bestelako asmoak bultzatu ditu: sormenezko ikus-entzunezko lehen lehiaketa bat, musika ikusteko eta entzuteko modu berriak, pertzepzio-irizpide berriak eta edertasunaren kontzeptu berriak eskaini dituena, eta nola ez, instalazioak, tailerrak...
Horretarako BIKEk jarduera batzuk programatu ditu urtean zehar, ikus-entzunezko aurkezpen horiek ohiko zirkuituaren barruan arruntak ez diren espazio pertsonaletara hurbiltzeko xedearekin.
Nontzeberri
- Kurtzio Kultur Etxeak hartzen du ekitaldia aurten, arratsaldeko 20:00etan hasita. Sopelanako Udako Musika Zikloak arrakasta handia du publiko aldetik aurten ere.
- Aurtengo kontzertuak Bilborock-en ospatuko dira, abuztuaren 21etik 28ra bitartean arratsaldeko 20:00etatik aurrera. 16 taldek hartuko dute parte erakustaldian. 25. urteurrenagatik banda guztien kontzertuak 16 pista digital audioan grabatuko dira.
- Ostiralean, Udaleku Musikaletako umeek emandako kontzertuarekin emango zaio hasiera Musika Jaialdiari. Beste aldetik, musika mota ezberdinetako emanaldi ugari antolatu dituzte. Uztailaren 30ean hasi eta abuztuaren 11n amaituko da ekimen musikala.
- Iazko irailaren 19an Willis Drummond taldeak Psilocybenean eman zuen kontzertua argitaratuko du Bidehuts plataformak.
- The Sparteens, Iparraldeko yeye musika taldeak bere lehen diskoa, Grandes éxitos del ayer, argitaratu du GOR diskoetxearen laguntzarekin.
- Atzo hasi zen Iruñean Ritmos Etnicos Civican-ek antolatutako kanpoko kontzertuak. Guztira, bost kontzertu izango dira eta bossa nova, rumba, klezmer, ekialde hurbileko soinuak eta folk-a entzun ahal izango da.
- Moon Duo bikote estatubatuarrak Gasteizko Ibu Hots aretoan joko du ostegunean, hilak 29. Ripley Johnson Wooden Shjips bandako gitarra jotzaile eta abeslariak eta Sanae Yamada musikariak (teklatuak eta programazioak) eratu zuten Ilargiko Bikotea 2009an San Frantzisko hirian.
- Bernaola Bero Jaialdiak hamar kontzertu eskainiko ditu Araba osoan zehar abuztuaren 13tik irailaren 9ra bitartean. Ekimenak programa zabala izango du, eta musika klasikoa eta garaikidea nahasten dituen egitaraua osatu da ziklo honetarako.
- Donostiako Aste Nagusian bertakoak diren musika taldeek merezi duten lekua eskaintzeko asmoz, Donostiako Piratek Musika Lehiaketa antolatu dute. Talde guztietatik hiru izango dira hautatuak Trinitate Plazan kontzertua eskaintzeko.
- Bihar, larunbata, skatea eta musika elkartuko dira Mungian Atzekaldeta Fest! jaialdian. Hirugarren urtea da jaialdi hau antolatzen dutela eta asmoa urtero egitea da.