- ARTEA
- BERTSOTAN
- MUSIKA
- ESZENA
- IKUS-ENTZUN
- LITERATURA
- BESTELAKOAK
LITERATURA
"Lauaxeta. Oihartzunak" liburua plazaratuko du Utriusque Vasconiae argitaletxeak
2008-05-22 l 12:53:30
Horretarako orduko idazkera gaurko erara moldatu da idazlearen estiloa ahalik eta gehien errespetatuz, bai hiztegi, bai esaera aldetik.
Honen helburua izan da, alde batetik, irakurle ikusmin, baina hizkuntzalari ez aditu batek Lauaxetaz har dezakeen ikuspegia gaurkotzea, idazlearen joera garbizaleak oztopo izan gabe. Olerkariaren poemak irakurle gazteei hurbildu nahi izan zaizkie eta hizkuntza zailtasunak eta hermetismoaren aurreiritziak poeta eta irakurleen arteko harresi igaroezina eraiki dezaten saihestu.
Beste alde batetik, eta Lauaxetaren olerkietatik aukeraturiko 30 poemen ondoan, eskuz-esku, bertsoz-bertso Urkiagaren eredu eta gustu poetikoan eragina izan zuten olerkari europarren testuak isuri dira.
Lauaxeta eta bere sorkuntza lanaren ikuspegi osoago eta zehatzago bat eskaintzeko saioa egin da horrela, euskal olerkigintza europartu eta modernizatzeko egin zituen ahaleginak, bere inspirazioaren bideak, ardura literarioak eta saioak 30eko hamarkadako euskal poesia une horretan Europako giro literarioan egozten zenaren parean jartzeko, ahaztu gabe horregatik euskal tradiziozko balada eta kantu zaharrak.
Utriusque Vasconiae argitaletxeak bidalita
- Euskaraz idatzitako edozein gairi buruzko saiakerak edota iritzi lanak zabaldu eta sustatzeko asmoz, Juan Zelaia X. Saiakera saria antolatu dute Iruñean.
- 1985eko uztailaren 18an sortu zen, duela 25 urte, Literatur Gazeta aldizkaria, Donostiako Konstituzio plazan zegoen La Primitiva Casa Baroja inprimategian egina. Idazle askok hartu zuten parte lehen ale hartan.
- Ignazio Aiestaran idazleak, Joseba Jaka bekaren onuradunak, idatzi du, gaur Donostiako Elkar aretoan, aurkeztu den liburua: Walter Benjaminen aingerua Gernikako bonbardaketatik.
- Bilboko Udaleko Kultura eta Hezkuntza Sailak Gabriel Aresti XXVIII. Ipuin Lehiaketarako deialdia egin du. 12.000 eurotako sariak banatuko ditu lehiaketak, 4.100 eurotako saria lehenentzat eta 2.050 eurotako bina akzesit banatuko ditu euskara zein gaztelaniazko lan hoberenaren artean. Ipuinak aurkezteko epea urriaren 29an amaituko da.
- Debako Udalak eta Elkar argitaletxeak, Euskal Herriko historia hurbilaren ezagutza zabaltzeko eta gure literatura aberasteko asmoz, VI. Tene Mujika beka sortu dute. 6.000 euroko diru-laguntza emango du.
- Eako poesia egunak zazpigarren urtez egingo dira datorren asteko asteburuan. Uztailaren 17an, (larunbata) Iban Zalduaren hitzaldi batekin abiatuko dira ekitaldiak Joseba Sarrionandiaren Poesia hilda dago baina ez naiz ni izan lerro-burupean.
- Liburu mardul honetan, Jared Diamond irakasle ospetsua historiako galderarik mamitsuenetako bati erantzuna ematen saiatzen da. Hauxe da galdera: Zergatik iritsi dira gizarte batzuk menderatzaile izatera eta gelditu dira beste batzuk menderaturik?
- Bixente Serrano Izkok Jauzika izenburuko aforismo bilduma osatu du azken hiru urteetan idatzitako testu labur hautatuekin.
- Liburuxka honetan biltzen diren testuak, Euskara Kultur Elkargoak eta Pamiela Argitaletxeak antolatu duten III eta IV Mikro-ipuin lehiaketako onenak suertatu dira. Ruper Ordorikak Ilaski Serranok eta Kike Amonarrizek mikro-ipuin bana ere idatzi dute.
- Karmele Jaio gasteiztarrak Heridas Cronicas (Ttarttalo) kontakizunez osaturiko lana aurkeztu du gaur Bilbon. Liburuak Hamabost zauri eta Zu bezain ahul ipuin bildumetatik itzulitako 20 narrazio biltzen ditu. Biak ala biak arrakasta nabarmena lortu zuten euskal literaturako liburuak dira.