ESZENA
BAD bere azkenaurreko egunera heldu da
2009-11-06 l 10:32:38
Hámster-en estreinaldia (kaiolaratutako gizakiaren metafora bat) madrildar Triángulo aretoak eta Juanjo Otero euskal antzerkilariaren ko-produkzioa da. EITBk Bilbon duen egoitzako Multibox aretoan izango da 20:00etan. Pertsonaien egunerokotasunaren egoeretatik abiatuz -arra eta emea-, obrak umorerik galdu gabe, gai unibertsalen inguruko solasaldiak islatzen ditu, eta gure maskotekin konparatuz ea hain ezberdinak garen planteatzen du obrak. Marian Bañobrek interpretatuta, Juanjo Oterok ko-ekoiztua eta Fernando Sotok zuzenduta dago lan hau.
Deustuko La Fundicion Aretoan duela gutxi zendutako Pina Bausch koreografoari omenaldia egingo zaio. 18:00etan Café Müller dokumentala proiektatuko da, 1978an Bausch-ek XX. mendeko artean gakoa zen pieza baten inguruan sortutakoa.
20:00etan, Antonio Tagliarini eta Daria Deflorian italiarrek, dantza eta antzerkia uztartzen diren Rewind obra aurkeztuko dute, estatu mailako estrainaldia izango da eta bertan, Pina Bausch-en obraren iraunkortasunaren inguruan hausnartzen da.
Show Gela atalean -BAD barnean arte eszeniko ezberdinen arteko topaketa gunea-, bi instalazio ikusteko aukera izango duzue. Koyame taldearen Kapzuloa, Arte Berreginen Museoan (18:00etan euskaraz eta 20:00etan erdaraz). Hiri handietako bizitzaren hausnarketa gordina da ikuskizuna. 22:30ean Hika Ateneoan, Show Gela-3 aurkeztuko du Jesus Soberon dantzariak eta Matxalen De Pedrok.
Bestalde, Paz Rojo koreografo madrildarrak La Merced Ikastetxean 21:30ean, nahasmenean eta okertzean oinarritutako performancea eskainiko du komunikatzen saiatu arren lortzen ez duten hiru pertsonaietatik abiatuz.
Ikus-entzunezkoak ere izango dira. Danza en la Pantalla atalak, Forward Motion britainiarraren bideo dantzaren bi emanaldi eskainiko ditu BBK Kultura Gelan, bi saiotan: 17:00etan eta 19:00etan. Eta BADZineman ere izango da bi dokumentalen proiekzioarekin Arte Berreginen Museoan: 17:00etan Saburo Teshigawara, bailar lo invisible eta Lexico de la danza, 18:00etan.
L&V Comunicacion-ek bidalita
- Abuztuan umorea eta antzerkia izango dira protagonista Araian, izan ere abuztuko bigarren astean Araiako herria umorez eta antzerki lanez beteko da. Gainera, Araiako XVII. Umore Antzerkiaren Jaialdiak 43 saio eskainiko ditu hainbat herritan.
- Txiletik, Indiatik eta Buriatia eta Dagestan errepublika errusiarretatik etorritako lau taldek hartuko dute parte ikusgarrian. Emanaldia 19:00etan hasiko da, Guggenheim Museoaren inguruan.
- Lehiaketaren artista irabazleek KREAren Betoñuko eraikin berrian egoitza izango dute 2011an. Proiektu koreografikoen sorkuntza, hedapena eta formakuntza bultzatzea da topagunearen helburua.
- Aurtzaka Dantza Taldeak uztailaren 24tik 28ra egingo du egonaldia Katalunian hainbat emanalditan parte hartzeko.
- Uztailaren 25ean, Xahakoa pastorala emango dute Zuberoako Barkoxe herrian. Alexis Etxekopar Attuli idazlea omenduko dute Barkoxeko herritarrek, eta ohikoa ez den pastoral batean, Bigarren Mundu Gerrako giroa berreskuratuko da ekitaldirako.
- Galdakaoko Andra Mari dantzari taldeak antolatzen duen Folklore Bizian nazioarteko jaialdia uztailaren 21etik 25era ospatuko da aurten. Inuit herrietako eta Ugandako taldeak etorriko dira Folklore Bizian nazioarteko jaialdira. Galdakao, Usansolo, Sopelana eta Arrigorriagan izango dira emanaldiak datozen egunotan.
- Uztailaren 15an abiatuko da Ezpeletan egingo den Gauargi dantza jaialdia. Errumania, India, Mazedonia, Ukrania eta Frantziako dantza taldeek parte hartuko dute Ezpala dantza taldearekin batera hilaren 20a arte.
- Uztailaren 16an hasiko da Erriberriko Antzerki Klasikoaren Jaialdia, abuztuaren 1a arte iraungo duena. Hamabost egunetan historiako dramaturgo onenen lanak gaurkotuko dituzte Nafarroako erdi aroko herri horretan.
- Errumania, Mazedonia, Espainia eta Euskal Herriko dantzari gazteak arituko dira aurtengo Bidasoaldeko Nazioarteko Gazteen Folklore Jaialdian. Uztailaren 22tik 27ra ospatuko da Irun, Zarautz, Etxalar eta Beran.
- Uztaileko bigarren asteburuan burutuko dira Zarauzko Kalerki-Kale Antzerki Topaketak. Txile, Estatu Frantziarra, Katalunia, Andaluzia, Galizia, Murtzia eta Euskal Herriko zortzi konpainiak etorriko dira Zarautzera.Bihar lehen eguna izango da.