MUSIKA
Audiencek bere jarioa astindu du lan berrian
2009-11-26 l 14:34:51
A shake in calm water lana gaur goizean aurkeztu du Audiencek Bilbon. Aurkezpen-ekitaldian taldekide guztiak izan dira, eta diskoa aurkezteaz gain, hiru kantu jo dituzte formatu akustikoan eta klip bat ere proiektatu dute.
Diskoaren sortze-prozesuan ahalegin berezia egin dutela adierazi dute taldekideek. Horren isla diskoaren grabazio-prozesua izan da. Garate estudioetan grabatu dute Kaki Arkarazorekin joan den apirilean, ekipo analogikoekin eta zuzeneko saioetan oinarrituta. "Kantuok tratamendu berezia merezi zuten, analogikoa eta zuzeneko saioetan sustengatua, soinu zuzena eta naturala izan zedin", azaldu du Gaizka gitarra jole eta abeslariak, "grabazioa lasaia izan da", gaineratu du.
Lan berriaren izenburuaren harira, A shake in calm water (Astindua ur barean), Hannot gitarra eta abeslariak esan du euren lan guztietan bezala diskoaren edukia aipatzen du. Izan ere, lan berrian betiko elementuak egoteaz gain, "astindu berezia" ematen ere saiatu dira instrumentu eta erritmo ezberdinak direla medio, "esaterako, saxoa sartu dugu eta tangoa eta erritmo latindarrak jorratu ditugu, betiko urari astindua emanez". Guzti horren isla dira, Criminal tango , Criminal Celebration eta Reel to reel doinuak dira.
Audience (Promo) from Gorka Bilbao on Vimeo.
Lan honetan, gainera, kantu bat abestu dute euskaraz. Aurreko lanetan euskara erabili badute ere, oso gutxitan izan da eta erabateko kantuak ez ziren zirriborroetan. Oraingoan, berriz, euskara Betiko "kantu osoan" sartu dute, "hor bide bat zabaldu dugu", nabarmendu du Gaizkak. Era berean, Ager biolin joleak azaldu du doinu hori euskal folklorearen sustraituta dagoela, nahiz eta AEBetako folklorearen instrumentuekin jota egon, tartean, pedal-steel-a, "dena batzeko ahalmena dauka kantu honek".
Bidehuts plataformarekin duten harremanaren lehen fruitua da laugarren lan hau. Erlazio hori aspaldikoa dela esan du Gaizkak eta diskoa grabatzeko ideia naturaltasunez sortu zela, "paraleloan bide berdina egiten ari ginen Bidehuts eta gu, beraz, azkenean batu egin gara".
Azkenik, nabarmendu du A shake in calm water hamar urteko ibilbidearen emaitza dela, baina hasiera berria ere badela.
Nontzeberri
- Kurtzio Kultur Etxeak hartzen du ekitaldia aurten, arratsaldeko 20:00etan hasita. Sopelanako Udako Musika Zikloak arrakasta handia du publiko aldetik aurten ere.
- Aurtengo kontzertuak Bilborock-en ospatuko dira, abuztuaren 21etik 28ra bitartean arratsaldeko 20:00etatik aurrera. 16 taldek hartuko dute parte erakustaldian. 25. urteurrenagatik banda guztien kontzertuak 16 pista digital audioan grabatuko dira.
- Ostiralean, Udaleku Musikaletako umeek emandako kontzertuarekin emango zaio hasiera Musika Jaialdiari. Beste aldetik, musika mota ezberdinetako emanaldi ugari antolatu dituzte. Uztailaren 30ean hasi eta abuztuaren 11n amaituko da ekimen musikala.
- Iazko irailaren 19an Willis Drummond taldeak Psilocybenean eman zuen kontzertua argitaratuko du Bidehuts plataformak.
- The Sparteens, Iparraldeko yeye musika taldeak bere lehen diskoa, Grandes éxitos del ayer, argitaratu du GOR diskoetxearen laguntzarekin.
- Atzo hasi zen Iruñean Ritmos Etnicos Civican-ek antolatutako kanpoko kontzertuak. Guztira, bost kontzertu izango dira eta bossa nova, rumba, klezmer, ekialde hurbileko soinuak eta folk-a entzun ahal izango da.
- Moon Duo bikote estatubatuarrak Gasteizko Ibu Hots aretoan joko du ostegunean, hilak 29. Ripley Johnson Wooden Shjips bandako gitarra jotzaile eta abeslariak eta Sanae Yamada musikariak (teklatuak eta programazioak) eratu zuten Ilargiko Bikotea 2009an San Frantzisko hirian.
- Bernaola Bero Jaialdiak hamar kontzertu eskainiko ditu Araba osoan zehar abuztuaren 13tik irailaren 9ra bitartean. Ekimenak programa zabala izango du, eta musika klasikoa eta garaikidea nahasten dituen egitaraua osatu da ziklo honetarako.
- Donostiako Aste Nagusian bertakoak diren musika taldeek merezi duten lekua eskaintzeko asmoz, Donostiako Piratek Musika Lehiaketa antolatu dute. Talde guztietatik hiru izango dira hautatuak Trinitate Plazan kontzertua eskaintzeko.
- Bihar, larunbata, skatea eta musika elkartuko dira Mungian Atzekaldeta Fest! jaialdian. Hirugarren urtea da jaialdi hau antolatzen dutela eta asmoa urtero egitea da.