ESZENA
Antzerki Klasikoaren Jaialdia hasiko da ostiralean Erriberrin
2010-07-13 l 09:56:17
Shakespeare, Moliere, Calderon de la Barca edo Tirso de Molina idazle klasikoen lanek bere txokoa izango dute Erreberrin egingo den Antzerki Klasikoaren XI. Jaialdian.
Aurtengo edizioaren nobedadeak espazio ezberdinen irekiera eta nazioarteko obren aurkezpenak dira. Gauzak horrela, Machbeth eta Fuenteovejuna antzezpenak izango dira, eta Nafarroako erregeen jauregian eta La Cava-n ez ezik, Cantaneria plazan, Vianako Printzea ikastetxean, Santa Maria elizako klaustroan, Lorategi Zaharraren barrualdean eta Uxueko elizan ere antzezlanak aurkeztuko dira.
Jaialdia hainbat gai nagusitan banatua egongo da: pertsonaiaren ardoa, hitz magikoa, antzirudia eta txingotea, handinahia, emakumezko pertsonaia, erritu antzerki eta herri antzerkia, erromesak eta haurrei klasikoak nola kontatu.
Beste alde batetik, E-Class, Arte Dramatikoko Goi Eskolen klasikoen inguruko topaketak egingo dira. Gainera, hitzaldiak, erakusketak eta Antzeki izugarrikerien museoa ikuskizun ibiltaria aurkeztuko da.
Nontzeberri
- AIKO taldekideak ikasketa gutxirekin dantza egin daitekeelakoan daude eta joan den urtean izandako eskarmentuak animatu ditu berriz Dantzaldi ibiltaria abiatu ahal izateko. Irailean Bizkaiko bederatzi herritan ibiliko dira dantzak erakusten eta aurten ere Zaurtzeraino joango dira ekimenarekin.
- Errusiar Armadako Kosakoen Baletak, Kaukasoko gune bakoitzeko usadio tipikoenak eta ohiturak jasotzen ditu. Kultura horrekin gozatu hala izango duzue Balmasedako Klaret Antzokian, irailaren 11an. Baleta Ivan Gromakov Ivanovich-en zuzendaritzapean dator.
- Arriaga Antzokiak bere ateak zabalduko ditu oholtza gainean dantzatu nahi duen ororentzat. Denboraldiaren lehen ilargi betea ospatzeko dantzak izango du leku berezia. Urriaren 3an izango da dantzaldia.
- Irailaren 16tik 19ra bitartean Topa Eszenika ekimenaren bigarren edizioa egingo dute Usurbilen. Bertan antzerki esperimentaleko tailerrak eta ikuskizunak eskainiko dira euskaraz. Topaguneak, baditu hiru aurrekari: Aulestiko Artedrama Euskal Laborategia (ADEL), Zarauzko Brainstorming eta Errenteria-Oreretako Eztena Teatro Egunak.
- Gaur goizean aurkeztu dute prentsaurrekoan Sestaon burutuko den Txotxongilo Eguna-ren programazioa. Ekimenaren inguruko adierazpenak Enkarni Genua Unima Euskal Herriko (EH) lehendakariak, Felipe Garduño Unima EHko idazkariak eta Jesús Maria Ruiz Sestaoko kultura zinegotziak.
- Abuztuan umorea eta antzerkia izango dira protagonista Araian, izan ere abuztuko bigarren astean Araiako herria umorez eta antzerki lanez beteko da. Gainera, Araiako XVII. Umore Antzerkiaren Jaialdiak 43 saio eskainiko ditu hainbat herritan.
- Txiletik, Indiatik eta Buriatia eta Dagestan errepublika errusiarretatik etorritako lau taldek hartuko dute parte ikusgarrian. Emanaldia 19:00etan hasiko da, Guggenheim Museoaren inguruan.
- Lehiaketaren artista irabazleek KREAren Betoñuko eraikin berrian egoitza izango dute 2011an. Proiektu koreografikoen sorkuntza, hedapena eta formakuntza bultzatzea da topagunearen helburua.
- Aurtzaka Dantza Taldeak uztailaren 24tik 28ra egingo du egonaldia Katalunian hainbat emanalditan parte hartzeko.
- Uztailaren 25ean, Xahakoa pastorala emango dute Zuberoako Barkoxe herrian. Alexis Etxekopar Attuli idazlea omenduko dute Barkoxeko herritarrek, eta ohikoa ez den pastoral batean, Bigarren Mundu Gerrako giroa berreskuratuko da ekitaldirako.