MUSIKA
Skatea eta musika batzen dituen Atzekaldeta Fest! ospatuko da bihar Mungian
2010-07-23 l 09:55:53
Malen skate kluba eta Azken Zarata musika elkarteak antolatu dute jaialdia. Arratsaldean musika taldeek jotzen duten bitartean skaterrak trukuak eta gauza berriak ikasi ahal izango dituzte San Pedro zonaldean dagoen pistan.
Gainera, Atzekaldeta Fest! jaialdian, kanpotar zein bertakoak diren bost musika talde ezberdin arituko dira: All Reasons, 6 metros bajo tierra, The Brick Lane, Arrakada eta Demeon.
Skatea eta musikaren arteko erlazioa estua da, antolatzaileen esanetan, "bi munduak promozionatzeko balio izango du ekintza honek. Batzuk musika entzutera etorriko dira eta skatea deskubrituko dute, eta beste batzuk aldiz, skatea ikustera etorriko dira eta Mungian dauden musik ataldeez gozatuko dute".
Atzekaldeta Fest! 16:00etan hasiko da larunbatean Mungiako San Pedro zonaldean.
Deia
- Aurtengo Gorakada izenpean urtean zehar Gor diskoetxeak nabarmendu nahi duen musika biltzen da CD batean. Aurtengo Gorakada bildumako hamaikagarrena da, hala ere, Gorakada 2.0 izendatzea erabaki dute, bere difusioa ez baita izanen euskarri fisikoan, digitalean baizik.
- Leonel Vierak, Roberto Carballok eta Ambar Martiartuk De Boleros saioa eskainiko dute Bilboko Campos antzokian ostiralean, hilak 10, eta larunbatean, hilak 11.
- Oysterband, Mahala Raï Banda, Ladysmith Black Mambazo eta Xabi Aburruzaga dira Folk Getxo Jaialdiaren protagonistak. OysterBand talde britainiarraren eskutik osatuko da lehen eguna. Folk-rock estiloan nabarmendu den talde ospetsu hori Areetako Geltokia plazan jardungo da, 20:30etik aurrera.
- 2000 urtean izan zen jaialdi berezi honen abiaburua, eta harrezkero bere hamaikagarren ediziora heldu da nazioarteko nahiz bertako artistak ekarriz eta esparru artistikotako ezberdinak jorratuz, batik-bat musikaren eta soinuaren ingurukoak. Aurtengoa irailaren 10etik 18ra luzatuko da Beran.
- Bilboko Udaleko Kultura eta Hezkuntza Sailak, Sonikete elkartearekin elkarlanean antolatutako V. Flamenko Topaketak irailaren 11tik urriaren 2ra bitartean egingo dira "Una ría con duende" lelopean.
- Florida hiriko Limp Bizkit metal talde arrakastatsuak Gold Cobra izeneko lan berria aurkeztuko du Bilboko Santana 27 aretoan larunbatean, hilak 11, 20:00etan. Bisitak ikusmin handia sortu du, estatubatuarrek zazpi urte baitaramatzate diskorik plazaratu gabe. Limp Bizkit bandarekin batera The Blackout koadrila arituko da.
- Hamalau urte eta gero, Tolosako Bonberenea arriskuan da. Izan ere, Udalak hirigintza plan bat abiatu gura du azaroan, eta San Esteban auzoko eraikina bota. Hori dela eta, larunbatean egingo duten Bonberenea Sutan musika jaialdia berezia izango da.
- Bilboko Kafe Antzokiak Mariachi Real Jalisco taldearen kontzertua lotu du larunbaterako, hilak 11, Mexikoko independentziaren 200. urteurrenaren karira.
- Montreal hiritik dator Barn Burner rock taldea, eta gaur Donostiako Ondarra tabernan joko du 20:00etan eta doan. Laukoteak metal estiloa jorratzen du. Aurten Bangers izeneko lana kaleratu du Metalblade zigiluarekin.
- Larunbatean, hilak 11, bi kontzertu interesgarri ikusteko aukera dago Gipuzkoan. Hala, Hondarribiko festen karira, Benta eszenatokian soul eta funk kontzertu biziaz gozatu ahal izango da Big Boss Man ingelesen eta The Exciments katalanen eskutik, 23:00etan. Bestalde, Zarautzen, 21:30ean, Ramesses metal banda ingelesak emanaldia eskainiko du gaztetxean. Talde horretan Electric Wizard talde ezaguneko musikarien bi herenak jotzen du.