ESZENA
Umorea eta antzerkia eskutik heldurik berriz Araian
2010-07-28 l 09:55:37
Araiako XVII. Umorezko Antzerkiaren Jaialdia abuztuaren 6tik 23ra bitartean ospatuko da. Aurten bi ekimen izango ditu egitarauak: hitzordu nagusia, Asparrenan, abuztuaren 12tik 15era izango da, eta gero, abuztuaren 6tik 23ra, Arabako hainbat herritako ikusgarriak etorriko dira. Hamar konpainia 14 herritan ibiliko dira 28 saio eskaintzeko. Emanaldiak egingo dituzte, besteak beste, Dulantzin, Amurrion, Artziniegan, Eltziegon, Bastidan, Laudion, Maeztun, Murgian, Oteon, Manzanosen, Korresen eta Aramaion.
Ganso & Ciaren Renato lanarekin abiatuko da Araiako Umore Antzerki Jaialdia Asparrenan, abuztuaren 12an. Baina honetaz gain beste talde asko arituko dira: Markeliñek Terapia eskainiko du; Kataluniako Leandre artistak bere antzezlan berezia egingo du Herriko plazan; Chacovachik Cuidado! Un payaso malo puede arruinar tu vida lana aurkeztuko du. Trapu Zaharra taldeak Camping renove ikusgarria egingo du abuztuaren 14an.
Hauez gain, Loco Brusca, Shake That, Tricicle eta Vania Producciones ere arituko dira Araiako XVII. Umore Antzerkiaren Jaialdian.
Nontzeberri
- Gaur goizean aurkeztu dute prentsaurrekoan Sestaon burutuko den Txotxongilo Eguna-ren programazioa. Ekimenaren inguruko adierazpenak Enkarni Genua Unima Euskal Herriko (EH) lehendakariak, Felipe Garduño Unima EHko idazkariak eta Jesús Maria Ruiz Sestaoko kultura zinegotziak.
- Abuztuan umorea eta antzerkia izango dira protagonista Araian, izan ere abuztuko bigarren astean Araiako herria umorez eta antzerki lanez beteko da. Gainera, Araiako XVII. Umore Antzerkiaren Jaialdiak 43 saio eskainiko ditu hainbat herritan.
- Txiletik, Indiatik eta Buriatia eta Dagestan errepublika errusiarretatik etorritako lau taldek hartuko dute parte ikusgarrian. Emanaldia 19:00etan hasiko da, Guggenheim Museoaren inguruan.
- Lehiaketaren artista irabazleek KREAren Betoñuko eraikin berrian egoitza izango dute 2011an. Proiektu koreografikoen sorkuntza, hedapena eta formakuntza bultzatzea da topagunearen helburua.
- Aurtzaka Dantza Taldeak uztailaren 24tik 28ra egingo du egonaldia Katalunian hainbat emanalditan parte hartzeko.
- Uztailaren 25ean, Xahakoa pastorala emango dute Zuberoako Barkoxe herrian. Alexis Etxekopar Attuli idazlea omenduko dute Barkoxeko herritarrek, eta ohikoa ez den pastoral batean, Bigarren Mundu Gerrako giroa berreskuratuko da ekitaldirako.
- Galdakaoko Andra Mari dantzari taldeak antolatzen duen Folklore Bizian nazioarteko jaialdia uztailaren 21etik 25era ospatuko da aurten. Inuit herrietako eta Ugandako taldeak etorriko dira Folklore Bizian nazioarteko jaialdira. Galdakao, Usansolo, Sopelana eta Arrigorriagan izango dira emanaldiak datozen egunotan.
- Uztailaren 15an abiatuko da Ezpeletan egingo den Gauargi dantza jaialdia. Errumania, India, Mazedonia, Ukrania eta Frantziako dantza taldeek parte hartuko dute Ezpala dantza taldearekin batera hilaren 20a arte.
- Uztailaren 16an hasiko da Erriberriko Antzerki Klasikoaren Jaialdia, abuztuaren 1a arte iraungo duena. Hamabost egunetan historiako dramaturgo onenen lanak gaurkotuko dituzte Nafarroako erdi aroko herri horretan.
- Errumania, Mazedonia, Espainia eta Euskal Herriko dantzari gazteak arituko dira aurtengo Bidasoaldeko Nazioarteko Gazteen Folklore Jaialdian. Uztailaren 22tik 27ra ospatuko da Irun, Zarautz, Etxalar eta Beran.