SGAEko Autore Fundazioak eta Musika Garaikidea Zabaltzeko Zentroak (CDMCk) Musikagile Gazteentzako 2010eko Autore Fundazioa-CDMC Sariaren 21. ediziorako deia egin dute. Lehiaketan, 11.700 euro banatuko dira sarietan.

Amarika Proiektuak eta Arabako Foru Aldundiak antolaturiko Inmersiones ekimenean parte hartzeko epea zabaldu dute. Hala, urriaren 1etik 15era bitartean sortzaileek euren sormen-egitasmoak aurkeztu ahal izango dituzte. Aurtengo edizioak 5.000 euroko aurrekontua dauka.

Oskorri Urruñako bestetan izango da bihar 22:00etan. Heldu den urtean 40 urte beteko dituen folk bandak Baztango Dantzariak taldea izango du lagun.

Beka hauek helburua euskal kultura zabaldu eta ikus-entzunezkoen arloan zaleturik dauden gazteei laguntza ematea da. Bi beka izango dira zabalduko direnak, eta 4.000 eurokoak izango dira. Irailaren 27an amaituko da lanak entregatzeko epea.

Euskadiko Orkestraren KlasikAT kontzertu-ziklo berria latin jazzeko izarra den Michel Camilok irekiko du, irailaren 7an, Bilboko Arteria Campos Eliseos Antzokia egingo den kontzertuarekin.

5 y 5. Bostabost izeneko erakusketa kolektiboak zabalduko du irailaren 10ean, Gasteizen egingo den LunaKREA programa. Erakusketa Arte eta Lanbideko Eskolako Irudiaren Sailak zuzendu du eta Araba Aretoan egongo da ikusgai gaurtik 12ra bitartean.

Sakatu Rec botoia! deia eginez aurkeztu du Gaztezulo gazteei zuzenduriko euskarazko aldizkariak Internet bidezko bere bideo lehiaketaren lehendabiziko edizioa. Ikus-entzunezko piezek Hi eta hire munduak gaia izango dute oinarri eta urriaren 1etik azaroaren 15era bitarte igo ahal izango dira sarean dauden plataforma ezberdinetara eta aldizkariaren webgunera. Irabazleak 1.500 euro poltsikoratuko ditu.

Gaur goizean aurkeztu dute prentsaurrekoan Sestaon burutuko den Txotxongilo Eguna-ren programazioa. Ekimenaren inguruko adierazpenak Enkarni Genua Unima Euskal Herriko (EH) lehendakariak, Felipe Garduño Unima EHko idazkariak eta Jesús Maria Ruiz Sestaoko kultura zinegotziak.