Aste honetan, uztailaren 13tik 16ra, Arrasate Blues jaialdia izango da. Arrasateko kaleak eta plazak blues musikaz beteko dira parte-hartze handi eta interesgarri batekin.
Lehen egunean talde potente batek zabalduko du jaialdia: Noa & The Hell Drinkers. Kontzertua uztailaren 13an, 19.00etan, izango da Herriko Plazan. Talde hau Donostian jaio zen eta bi lan argitaratu ditu modu independentean: Noa & The Hell Drinkers, 2018an eta Craft Blues, 2020an. Boskoteak European Blues Challenge lehiaketaren hamaikagarren edizioa irabazi zuen Polonian. Hori dela eta, jaialdiaren antolatzaileek, Arrasate Blueseko urrezko pin bat Noa & The Hell Drinkers taldeari ematea erabaki dute.
Hurrengo egunetako kontzertuen artean Erromintxelak taldea arituko da. Taldeak joan den mendeko 60ko hamarkadaren hasieran sortutako emakumezko ahots taldeen soinua eta estiloa irudikatzen ditu. Lehenago Afrika Bibang arituko da, bai eta Bluesdays taldea ere. Ibilbide luzea duen azken talde honek bost disko ditu merkatuan. Chicagotik Texasera, bere soinuak dotorezia eta oinarri erritmiko sendoaren nahasketa magiko hori batzen du, bere abestiak purutasunez eta energiaz haizatuz.
Uztailaren 15eko protagonistak Trudy Lynn eta Travellin’ Brothers izango dira. Lehenak bederatzi disko kaleratu ditu. Egun bakar horretan, Lynn Euskadin ikusi, entzun eta gozatzeko aukera izango da. Gainera Lynn Arrasate Bluesera iritsiko da Europako blues talde onenetako batekin batera. Beti bezala, bere aldamenean izango du Steve Krase, bere eskuin eskua, konfiantzazko gizona, bere musika-zuzendaria eta Texasko blues-eszenako harmonizista baloratuenetako bat.
Eta azken egunean, uztailaren 16an, The Spolem Girls taldea nabarmenduko da. Sara Grajal, Nahiari Berasategi, Natalie Keskin eta Sibel Berra izango dira kontzertuaren protagonistak.
Arrasate Blues bluesik onena maite dutenentzat ezinbesteko hitzordua da.
