Bilboko Udaleko Euskara, Gazteria eta Kirol Sailak eta interneteko nontzeberri.com kultur webguneak Bilblogari euskarazko blogen lehiaketako sariak banatu zituzten atzo.

Lehiaketan 45 blog inskribatu dira, eta horiek izan dira aurtengo sariak eskuratzeko lehiatu direnak.

Edizio honetan oso parte-hartze handia egon da eta joan den urteko marka gainditu egin da erraz. Mota askotako blogak heldu dira gure lehiaketara eta guztietan gaur egungo gazteek dituzten zaletasunak, kezkak eta ilusioak nabarmentzen dira (kirola, moda, dantzak, bidaiak, musika, Euskal Herria, geografia, genero berdintasuna, osasuna, elikadura, zinema, hiriak,...).

Julen Gabiria idazle eta euskal blogari aitzindariak eta Karmele Perez de Urraza EHUko irakasleak honako irizpideak baloratu dituzte saridunak erabakitzerakoan: euskararen maila, kalitate literarioa, diseinua, gaurkotze maila eta atarien originaltasuna.

Aurtengo edizioko irabazleak, beraz, hauexek dira:

Blog pertsonal onena: Irune Jimenez Gonzalez (Nonhahi, http://irunepe.wordpress.com)

Taldeko blog onena: Gontzal Zapatel eta Iker Etxarri (Drogak, http://drogaworld.blogariak.net)

Blog tematikoa onena (ex aequo): Asier Gabikagojeazkoa (Asiaren Nondik Norakoak http://www.berria.info/blogak/asiatik); Txerra Rodriguez Gomez (http://www.blogak.com/garaigoikoa  Garaigoikoa, Hizkuntzaren soziologia, soziolinguistika eta beste)

Blog originalena: EH Soundz Taldekideak (ehsoundz bloga, http://ehsoundz.com)

Blog tematikorik onenaren saria blog biri eman zaie, biak ala biak kalitate handikoak direlako. Sarituek hirurehun bana euro jaso dute.

Julen Gabiria idazle eta euskal blogari aitzindariak eta Karmele Perez de Urraza EHUko irakasleak ari dira saridunak aukeratzen. Honakoak baloratuko dituzte saridunak erabakitzerakoan: euskararen maila, kalitate literarioa, diseinua, gaurkotze maila eta atarien originaltasuna. Zail izango dute aurten!

Honakoak dira sariok:

Blog pertsonal onena: 300 euro
Taldeko blog onena:300 euro
Blog tematiko onena: 300 euro
Blog originalena: 300 euro

Sari Banaketa ekitaldia azaroaren 30ean egingo dugu, 19:00etan, Zazpi Kaleetako La Bolsa Udaltegian. Bertan jakinaraziko dira nortzuk diren saridunak. Etorri eta oparitxoa ere jasoko duzue.

Animo!

Euskara sailak eta Nontzeberri interneteko atariak Bilblogari euskarazko blogen lehiaketaren hirugarren edizioa abiatu zuten urrian, eta gaur bertan, lanak entregatzeko epea amaitu da, eta epaimahaikideak lanean jarri dira zeintzuk diren onenak erabaki ahal izateko.

Internet esparruan euskararen erabilera sustatzea helburua duen aurtengo lehiaketan 45 blog inskribatu dira, eta horiek lehiatuko dira dauden sariak eskuratzeko.

Aurten oso parte-hartze handia egon da eta joan den urteko marka gainditu egin dugu erraz. Mota askotako blogak heldu dira eta guztietan gaur egungo gazteek dituzten zaletasunak, kezkak eta ilusioak nabarmentzen dira (kirola, moda, dantzak, bidaiak, musika, Euskal Herria, geografia, genero berdintasuna, osasuna, elikadura, zinema, hiriak,...).

Lehiaketan hiru atal zabaldu dira: blog pertsonalak, taldeko blogak, eta tematikoak. Atal bakoitzean Interneteko bitakora onena sarituko da hemendik aurrera, eta blog originalenak ere bere saria izango du.

Julen Gabiria idazle eta euskal blogari aitzindariak eta Karmele Perez de Urraza EHUko irakasleak honako irizpideak baloratuko dituzte saridunak erabakitzerakoan: euskararen maila, kalitate literarioa, diseinua, gaurkotze maila eta atarien originaltasuna.

Honakoak dira sariok:
Blog pertsonal onena: 300 euro
Taldeko blog onena:300 euro
Blog tematiko onena: 300 euro
Blog originalena: 300 euro

Beste aldetik, aldaketarik gertatu ezean, Sari Banaketa ekitaldia egingo dugu azaroaren 30ean, 19:00etan, Zazpi Kaleetako La Bolsa Udaltegian.

Bilboko euskal gazte blogarien lanak jaso ditugu erruz azken aste honetan. Lan txukunak, ondo zainduak. Datorren astean amaituko da lan guztiak entregatzeko epea. Animo, gero epaimahaikideen lana etorriko da gero, aurtengo irabazleak aukeratzeko orduan.

Segi idazten, gazteok!

Bai, gero eta gehiago dira parte-hartzaileak, eta jakin badakigu oraindik asko badirela euren blogak aurkeztekoak. Animo eta lanean segi!

Bai, hala da, azaroa hasi dugu 22 blogekin lehiaketan parte hartuta. Oraindik aste batzuk gelditzen dira epea amaitu arte, hortaz gorantz doan kontua da. Beraz animatu eta parte hartu Bilblogari lehiaketan!

Sustatun irakurri dugu berri interesgarri hau. Pando Networks enpresak Global Internet Speed Study txostena kaleratu du. Interneteko konexioaren abiadura eta fidagarritasuna aztertu dute planeta osoan. Hego Koreako konexioa omen da onena; Europa Ekialdeko herrialdeak dira nagusi aurreneko 10en artean; Frantzia erdipurdi dabil; Espainia negargarri. Hona hemen xehetasunak.

Pandok berriki aurkeztu duen Global Internet Speed Study txostenak munduko estatu guztietako Interneteko konexioaren abiadura eta fidagarritasuna aztertu ditu. 220 herrialdetako 20 milioi ordenagailutako 27 milioi deskarga aztertu dituzte eta emaitzak kaleratu.

Konexio azkarrena duten herrialdeen artean Hego Korea da arinetan arinena, 2.202 Kbps-ko bataz besteko abiadurarekin. Ezustekoak, beharbada, ondoren datozen herrialdeetan aurkituko ditugu, hurrengo laurak Europa Ekialdeko herrialdeak baitira (Errumania, Bulgaria, Lituania eta Letonia). Askoz atzerago azaltzen dira ustez herrialderik aurreratuenak ei direnak, besteak beste, Alemania (23. postuan) AEB (26.), Frantzia (27.) edo Erresuma Batua (28.). 600 Kbps inguruko abiadura dute, korearren laurdena.

Oraindik eta atzerago dago Espainia (51. postuan), 394 Kb-eko abiadurarekin. Mundu mailako bataz bestekotik (580 Kbps) eta Europakotik (599 Kbps) oso urruti eta Europa osoan herrialde makalago bakarra dagoelarik (Italia, 336 Kbps).

Zerrendaren azkenengoen artean, espero zitekeen bezala, Afrika eta Asiako herrialderik gehienak aurkituko ditugu, eta Kongo da azkena, 13 Kb-eko abiadurarekin. Txina (245 Kbps) eta Australia (348 Kbps) ere nahiko atzean azaltzen dira zerrendan.

Hemen herrialde esanguratsuenak eta munduko mapa:

•(1) Hego Korea: 2.202 KBps

•(2) Errumania: 1.909 Kbps

•(3) Bulgaria: 1.611 Kbps

•(4) Lituania: 1.463 Kbps

•(5) Letonia: 1.377 Kbps

•(6) Japonia: 1.364 Kbps

•(7) Suedia: 1.234 Kbps

•(8) Ukrainia: 1.190 Kbps

•(9) Danimarka: 1.020 Kbps

•(10) Hong Kong: 992 Kbps

Bai, dozena bat pasatxo blog jaso ditugu honezkero gure lehiaketan, eta martxa honi erreparatuz gero, askoz gehiago izango direlakoan gaude. Ikastoletatik ere hasi dira bidaltzen oso blog interesgarriak. Bestela ere, bidaiak, argazki ederrak, poemak, ikasleentzako ohar paregabeak,... Denetarik topatuko duzue Bilblogariko lehiakideen artean. Animo eta parte hartu!

Hainbat irratitan izan gara Bilblogari lehiaketari buruz berba egiten (Euskadi Irratia, Harri Irratia, Bizkaia Irratia,...) Guztietan esan digute oso ekimen interesgarria dela gurea. Astebetea iragan da eta parte-hartzaileak goraka doaz. Animo eta parte hartu!