Gernikako boskoteak grabazio berria plazaratuko du ekainaren 5ean: Mistress Games izenburuko EPa. Diskoa bizkaitarren webgunearen bitartez eska daiteke. Webgunean, gainera, When I Rule The World kantu berriaren klipa ere jaso dute.
Diskoa Euskal Herrian eta AEBetan grabatu eta ekoitzi dute, eta taldearen bosgarren lana da, A shake in calm water eta Amerikanuak grabazioen ondorengoa, hain zuzen.
Bidehutsen arabera, “Egitura oinarrizkoenetatik konplexuenetara mugitzen dira Audiencen soinuak; rock hitza zentzu zabalean barneratu, eta ikerketa zein experimentazioan oinarrituriko dinamikak bultzatzen du Gernikako taldea. 1999. urtean sorturiko taldeak, dagoeneko lau diska argitaratu ditu; iluntasunetik argira mugitzen da Audience, horren erakusle dira Some Lovely Hands On Dry Skin-tik, A Shake In Calm Water-era aurki daitekezeen kantuak. Estudio lanetan izandako trebetasunaz gain, taldeak bere baitan gordetzen du tentsio hori zuzeneko ekitaldietara islatzeko gaitasuna, piano, tronpeta, saxofoi eta gitarrak astinduz”.