Giza Eskubideen Zinemaldiaren inguruan zinema eta argazki lantegia antolatu da Tabakaleran, Datorren astean programatu da.
Zenbait ariketa praktikoen bitartez “nortasun periferikoetan eta istorio pertsonalen kontakizunean” jarriko da fokua, historia handia istorio txikien bidez kontatzeko helburuz. “Ariketek erakutsiko digute istorio sinpleen bitartez ideia konplexuak helarazi daitezkeela. Horretarako, zenbait baliabide erabiliko dira: lehen pertsona, familia-albuma, artxibo pertsonala, jabetzea edo autorretratua. Ikus-entzunezko grabaketa bat eta fanzine baten bitartez, gure argazki- eta zine-historia irudikatuko dugu. Horrela, irudi eta errepresentazioaren inguruko topalekua sortuko dugu elkarrizketa eta pentsamendua bultzatuz”.
Saio ezberdinetan arituko dira interesdunak. Hala, lehen egunean, erretratua eta autorretratua, barne-begiradak kontzeptuak, eta ikus-entzunezko ariketa praktikoak egingo dira. Hurrengo saioetan, zer kontatu nahi dut eta nola, argazki-liburua nola sortu, irudien aukeraketa eta kontakizun narratiboa, eta bestelako sortze-prozesuak landuko dira.
Mikel Zatarain gidoilari eta errealizadorea, eta Ruben H. Bermudez argazkilaria eta irakaslea izango dira parte hartuko duten adituak.
