“Zergatik Panpox” liburuaren irakurketa jarraitua

2012-05-16T13:19:16

Bilbo Zaharra euskaltegiak antolatuta, ekainaren 14an Klasikoen Irakurketa Jarraitua ekimenaren laugarren edizioa egingo dute Arriaga Antzokian

XXIV. "Becerro de Bengoa" saiakera saria

2012-05-15T10:02:14

Arabako Foru Aldundiaren Euskara, Kultura eta Kirol Sailak Becerro de Bengoa saiakera sariaren XXIV. ediziorako deia egin du. Betiko legez, euskaraz eta gaztelaniaz aurkeztu ahalko dira lanak eta 4.000 euroko saria egongo da modalitate bakoitzerako.

XXIII. "Ernestina de Champourcin" poesia lehiaketa

2012-05-14T10:45:46

Arabako Foru Aldundiak XXIII. "Ernestina de Champourcin" poesia lehiaketan parte hartzeko deialdia zabaldu du. Lanak euskaraz eta gaztelaniaz aurkez daitezke, eta 2.000 €ko saria daude modalitate bakoitzerako.

Ipuin Erotikoen 17. Lehiaketaren saridunak

2012-05-11T12:17:53

Basauriko Euskarabila Elkarteak antolatutako ipuin erotikoen 17. lehiaketako epaimahaia (Yurre Ugarte, Oier Guillan eta Edorta Jimenez) maiatzaren 9an bildu zen sarituko ziren idazleen lanak aztertzeko eta erabakiak hartzeko. Hortik atera ziren izen hauek:
Lehenengo saria: Eneritz Duesok (Irun) idatzitako Gurpila lanarentzat izan da. Lan honek freskotasuna du, beraz sinesgarritasuna eta topikoekin jokatzen duen ironia.
Bigarren saria: Miren Juaristik (Azkoitia) idatzitako Irudi Pilulak lanak hartuko du. Izenburuak dioen moduan, irudiak dira pilula moduan emanak, dosifikatuak, erritmo biziz, elipsi asko erabiliz.
Azkenik, hirugarren saria: Danele Sarriugartek (Elgoibar) idatzitako Geruzak/Gezurrak idazlanak jasoko du. Kasu honetan erotismoaren arlokoa bete-betean ez bada ere, idazkera aldetik nabarmentzeko lana izan da.

Pello Lizarralderen Orbanak eleberria kalean

2012-05-10T12:54:11

Gaur, Donostiako Udal Liburutegiko Sotoan, Erein argitaletxeak, Pello Lizarralderen Orbanak eleberria aurkeztu du.

Ignacio Aldecoa ipuin lehiaketaren XLI. edizioa

2012-05-09T10:24:18

Euskarazko eta gaztelaniazko ipuinak aurkeztu ahal dira Ignacio Aldecoa ipuin lehiaketaren XLI. Edizioan, baina lan bakoitza bi modalitate hauetako bakar batera baino ezin da aurkeztu. Horietako bakoitzean 6.000 euro emango dira saritzat.

Beterriko Liburua saria Harkaitz Canorentzat

2012-05-08T10:29:48

Etzi jasoko du Harkaitz Canok Beterriko Liburua saria Amasako kultur etxean, arratsaldeko 19:30ean, ospatuko den ekitaldian.

Literaturia ekainaren 1etik 3ra

2012-05-07T09:58:16

Literaturia ekainaren 1etik 3ra egingo da, ohi bezala, Larrabetzun. Beste urteetan egin den moduan liburuen aurkezpenak, hitzaldiak, poesia errezitaldiak, antzerkiak eta musika kontzertuak egingo dira Bizkaiko herrian, hiru egun horietan.

John Steinbeck-en “Saguak eta Gizonak”

2012-05-04T12:15:32

Alberdania argitaletxeak John Steinbeck-en Saguak eta Gizonak izeneko lanaren aurkezpena egin zuen atzo Donostiako Udal Liburutegiko Sotoan. Iñigo Errasti bizkaitarrak hartu ditu obra hau itzultzeko lanak.
Saguak eta gizonak John Steinbeck Nobel saridunak 1937an argitaratu zuen nobela bat da. Bertan George Milton eta Lennie Smallen historia tragikoa kontatzen da. Lennie pixka bat atzeratua da, baina gizon samurra ageri zaigu nobelan. Bidez bide lagundu egiten diona George pikaroa da. George eta Lennie beste hainbat bezala Depresio Handiaren garaian baserri giroko Kalifornian barrena herraturik dabiltza rantxoz rantxo eta bizitza aurrera ateratzeko lan bila

“Askoren Izenean: Pido la Paz y la Palabra”

2012-05-03T11:35:03

2012 Euskadi izeneko ekimenak Askoren Izenean: Pido la Paz y la Palabra Nazioarteko Poesia Jaialdia aurkeztu du gaur goizean Bilbon, Kulturako sailburu Blanca Urgell, Kultura Sustatzeko zuzendari Mikel Toral, jaialdiko zuzendari Kepa Murua eta Blas de Oteroren alargun Sabina de la Cruz parte hartzearekin

“Hodeietan” liburua argitaratu du Elhuyarrek

2012-05-02T11:19:23

Elhuyarrek Hodeietan narrazio zientifikoa plazaratu du. Lana 12-16 urteko gazteei zuzenduta dago liburua.

Haur literatura, fantasiazko narrazioa eta poesia

2012-04-27T11:50:15

Genero desberdinak izan dira protagonistak Erein argitaletxeak gaur aurkeztu dituen lan berrietan. Haur literatura Antton Kazabonen eskutik dator, J. Pérez-Foncearen eskutik ostera, gazteentzako abentura eta fantasiazko narrazioa, eta azkenik, Jose Inazio Lasaren poesia.

Faxistek suntsitutako Gernikaren inguruko literatura

2012-04-26T12:07:05

Denok dakigu zein data den gaurkoa.
Literatur e-mailuetan ere modu honetan gogorarazi nahi izan dute: “Otxandio, Elorrio, Durango, Elgeta, Eibar... suntsitu zituzten faxistek duela 75 urte. Eta gaurko egunez, 1937ko apirilaren 26an, arratsaldeko 16:30ak aldera hasi zuten faxistek Gernikako aire erasoa eta bonbardaketa, 43 hegazkinez 40.000 kilo lehergai jaurtitzeko.

Egun hauetako liburu berriak

2012-04-25T10:46:51

Duela egun pare bat, Txillardegi (Erein) izeneko saiakera laburra aurkeztu zuen Donostian Fito Rodriguezek. Egilearen esanetan, subjektibotasunetik idatzitako liburua da eta Jose Luis Alvarez Enparantza Txillardegi-k egindako ekarpenaren inguruan jakin-mina sortu nahi du. Txillardegi urtarrilaren 14an hil zen, Donostian.

Arrate Egañak “Paradisua” liburua plazaratu du

2012-04-24T13:29:32

Arrate Egañak (Errenteria, 1963) bost kontakizun bildu ditu helduei zuzenduriko Paradisua (Elkar) liburuan. Idazle gipuzkoarrak ibilbide oparoa egin du orain arte haur eta gazte literaturan. Atzo aurkeztu zuen Paradisua liburua helduentzako idatzi duen estreinako lana da

Julio Llamazares eta Miguel Sanchez Ostiz paisaien inguruan arituko dira

2012-04-23T12:01:26

Narratibaren, saiakeraren eta poesiaren esparruetan ibilbide luzea egin duten Julio Llamazares eta Miguel Sanchez Ostiz idazleak Bilboko Bidebarrieta liburutegian egin ohi den Eztabaidak Literaturarekin programan parte hartuko dute bihar, apirilak 24, 19:30ean. Idazlan baten barruan paisaiaren narrazioak duen garrantziaz arituko dira Kike Martín kazetariaren laguntzarekin

Ramon Saizarbitoriaren azken nobela, “Martutene”

2012-04-20T12:51:45

Goizeko 11:00etan eta Donostian, Martutene, Ramon Saizarbitoriaren azken nobelaren aurkezpen ekitaldia egin dute Erein argitaletxeko ordezkariek.

Gaur hainbat liburu berri kalean

2012-04-19T12:24:59

Susa argitaletxeak Harkaitz Zubiriren Etxekalte nobela berriaren aurkezpen ekitaldia egin du gaur goizean Donostiako Udal Liburutegiko sotoan.

Norberaren autonomia krisian

2012-04-18T10:09:09

Eduardo Apodakak gaur aurkeztuko du Bilboko Kafe Antzokian Norberaren autonomia krisian (Pamiela) izeneko lana. Obra hau, Juan Zelaia Saria izan zen joan den urtean.

2012ko Lauaxeta Poesia Saria

2012-04-17T09:44:07

Bizkaiko Foru Aldundiak 2012ko Lauaxeta Sariak aurkeztu zituen atzo prentsaurrekoan, eta aurtengo deialdiak berrikuntza garrantzitsuak dakartza. Aurten, ohiko Lauaxeta Ohorezko Sariaz gain, beste bi sari emango dira: Lauaxeta Poesia Saria eta Lauaxeta Ikus-entzunezkoen Saria.

Gaur hasiko da Gutun Zuria Bilboko Letren Nazioarteko Jaialdia

2012-04-16T10:41:12

Amerikako Estatu Batuetako literatura izango da aurtengo edizioaren ardatza. Hala, astebetez 15 hitzaldi eta topaketa egingo dira apirilaren 22ra bitarte. Jaialdian, Willian Gibson, Chuck Palahniuk, John Verdon, Bill Keller eta Philip Gourevitch idazle eta kazetari amerikarrek parte hartuko dute, baina Euskal Herriko eta Espainiako ordezkaritza zabala ere izango da

RSS literatura