Musika Maketen VI. Lehiaketa Araban

2012-05-16T09:43:35

Arabako Foru Aldundiaren Euskara, Kultura eta Kirol Sailak, musika sustatzeko garatzen dituen ekintzen artean, Musika Maketen VI. lehiaketarako deia egin du.

“Soul Supreme”

2012-05-15T09:53:11

Donostiako Beltza Records disko denda ezagunak 22. urteurrena beteko du aurten. Data berezi horren harira, soul musika beltza ardatz izango duen Soul Supreme izeneko jaialdia egingo du maiatzaren 25ean eta 26an Gipuzkoako hiriburuan. Horretarako, musika estilo horretan adituak diren disko-jartzaileen saio dantzagarriak atondu ditu

Benito Lertxundiren “Oroimenaren oraina”

2012-05-15T09:44:48

Titulu horrekin plazaratu du Orion jaiotako kantariak bere azken lana. Laster batean kanta berriekin osaturiko kontzertuak ematen hasiko da eta data batzuk jarrita ditu honezkero.
Hala, maiatzaren 18an, 21:00etan, Bilboko Euskalduna Jauregian izango da; maiatzaren 19an, 20:00etan, Donostiako Kursaal Auditorioan eta azkenik, ekainaren 6an, Iruñeko Baluarte Auditorioan arituko da oriotarra.

Koma eta Vendettak Arratia Rock jaialdian joko dute

2012-05-14T10:13:01

Maiatzaren 19an presoen aldeko jaialdi erraldoia egingo dute Lemoan Arratia Rock izenburupean. Orotara sei talde arituko dira oholtzan: Koma, Vendetta, Antton, Afu, Nik Khaos eta Itziarren Semeak. Kontzertua 19:00etan hasiko da Gaztetxeko parkingean. Aurretik, 15:00ak inguru, herri bazkaria eta kantaldia izango da herriko frontoian

Brutal metal fest!

2012-05-11T10:53:15

Numen, Elbereth, Dominium, Invadeath eta Hilotz taldeak Donostiako Guardetxean arituko dira bihar Euskal Metal Fest ekimenaren baitan. Emanaldia 19:30ean hasiko da Brutal Fest izenburupean

Pretty Things, The Nomads eta The Blasters Andoainen

2012-05-10T10:47:57

Ekainaren 16an, Andoiango Rock Jaialdiaren bosgarren edizioa egingo dute. Aurten antolatzaileen rock-and-roll kartel dotorea atondu dute. Hala, 60ko Pretty Things taldea da karteleko izenik handiena. Ingelesak Bo Diddley musikariaren Pretty Thing kantutik hartu zuten izena eta rhythm and blues estiloa jorratu zuten Rolling Stones herrikideekin batera. Halere, ingelesek psikodeliara ere gerturatu ziren oraintsu berrargitaratuko duten S.F. Sorrow diskoan

Gora Gora Kids, “Horror Songs Tour”

2012-05-09T09:42:19

Gora Gora Kids euskal rock-and-roll taldeak oraintsu argitaratu duen Horror Songs izeneko binilozko EPa aurkezteko hainbat kontzertu egingo ditu Horror Songs Tour izenburupean. Hala, bihar bertan Gasteizko Gora tabernan izango dira, eta larunbatean Iruñeko Alde Zaharreko harresian, Arturo Campion euskaltegiaren 40. urtemuga festaren baitan

Itziarren Semeak eta Belakok Larrabetzufest jaialdian joko dute

2012-05-08T10:25:50

Aurten ere Larrabetzufest jaialdiaren edizio berri bat egingo dute ekainaren 9an Bizkaiko udalerri horretan. Aurten Mungiako bi taldek joko dute: Belako pop-rock talde gazteak eta Itziarren Semeak ska-punk bandak

Wayne Shorter saxo-jotzailek Getxoko Jazzaldian izango da

2012-05-07T13:02:30

Wayne Shorter saxo-jotzaile klasikoa eta Eliane Elias piano-jotzaile eta abeslari brasildarra izango dira aurtengo izarrak 36. Getxoko Nazioarteko Jazzaldian

Guadalupe Plata, Gora Japon eta Manett taldeek joko dute BizBAK Indie Jaialdian

2012-05-04T10:16:19

Maiatzaren lehenengo hiru ostiraletan egingo da BizBAK Indie Jaialdia Bilboko UPV/EHU Bizkaia Aretoan. Hiru eguneko jaialdian bederatzi taldek parte hartuko dute; Euskal Herriko ordezkaritza handia eta interesgarria izango da. Gaur, hain zuzen ere, Guadalupe Plata, Gora Japon eta Manett bandek joko dute

Anari eta bere taldea, oholtzara

2012-05-03T10:18:14

Anari bete taldearekin ikusteko aukera izango dugu ostera ere. Izan ere, Irla Izan diskoaren aurkezpen bira egin eta gero, azkoitiarra bakarka edo formatu txikian aritu da. Orain, talde osoarekin itzuliko da agertokira, bakarkako emanaldiak baztertu barik

Funk Reggae Warriors jaialdia

2012-05-03T09:55:37

Larunbat honetan, maiatzak 5, Funk Reggae Warriors jaialdiaren laugarren ekitaldia izango da Donostiako Doka Kafe Antzokian. Musika beltza omentzeko egitarau zabala eta interesgarria dago, eta bertan, Euskal Herrian erreferentzia diren musikariak ere parte hartuko dute

Kontzertu lasaiak egingo dituzte Bergarako gaztetxean

2012-05-02T12:36:44

Maiatzeko ostiraletan kontzertu lasaiak ikusteko eta entzuteko parada izango da Bergarako gaztetxean. Orotara, lau kontzertu eta zortzi artista izango dira. Musika egitaraua Egubakoitzak III izenburupean ondu dute

Duhaldek “Ibilean” zuzeneko diskoa argitaratu du

2012-04-27T12:54:11

Anje Duhaldek (Arrangoitze, Lapurdi, 1950) 40 urte daramatza diskoak grabatzen eta agertokiaren gainean zuzenean jotzen. Izan ere, bere iritziz zuzenean jotzeko jaio den musikaria da

Erizok hirugarren diskoa plazaratu eta agur esan du

2012-04-26T10:19:00

Gasteizko Erizo punk rock taldeak trasteak utziko ditu. Dena dela, taldea desegin baino lehen Tres izenburuko diskoa argitaratu du. Diskoak bederatzi kantu biltzen ditu

Leioako XII. Pop Rock Lehiaketaren finalistak

2012-04-25T10:15:17

Aterpe Leioa Gazteguneak Leioako XII. Pop Rock Lehiaketaren finalisten izenak iragarri ditu. Aurten 144 taldek parte hartu dute lehiaketan eta finalean dozena erdi arituko dira, erdiak metal atalean eta beste erdiak pop-rockean

Hasier Oleaga bateria jotzaileak estreinako diskoa plazaratu du

2012-04-24T10:31:08

Hasier Oleaga (Bilbao, 1979) bateria jotzaileak hainbat musikarirekin jo du bere ibilbide profesionalean; egun, esate baterako, Ruper Ordorikaren Mugalaris taldearekin aritzen da. Oraingoan, baina, berak gonbidatu ditu hainbat musikari bere kantuak jo eta grabatzeko estreinako lanean, Cantus Caterva (Errabal)

The Slackers ska bandak Kafe Antzokia berotuko du

2012-04-24T09:48:04

New York hiriko The Slackers ska bandak Bilboko Kafe Antzokian joko du larunbatean, apirilak 28. Aretoaren ateak 21:30ean irekiko dituzte eta kontzertua ordu erdi geroago hasiko da. Estatubatuarren musika freskoa, parranda zalea eta dantzagarria da; Jamaikako erritmo beroak jotzen dituzte rock-and-rollaren energiarekin

“Aitzealdenk!” jaialdiak zortzi talde bilduko ditu asteburuan

2012-04-23T10:07:27

Aitzealdenk! Zuzenean jaialdia egingo dute estreinakoz asteburu honetan Azpeitian. Bertan, Euskal Herriko eta atzerriko zortzi taldek joko dute. Mondocane, Capsula eta Antilles, Willis Drummond, Inoren ero ni eta We are Standard, Santiago Latorre eta Rauelsso

Lendakaris Muertos eta Hesian Saratxorock jaialdian

2012-04-20T09:53:49

Txomusika Elkarteak antolatuta, bihar bertan, apirilak 21, Saratxorock jaialdiaren seigarren edizioa egingo dute Gueñes kontzejuko Zaramillo hirigunean

Durangaldeko musika taldeen jaialdia

2012-04-19T11:09:44

Durangaldeko taldeen jaialdia egingo dute bihar eta apirilaren 27an Durangoko Plateruena Kafe Antzokian Greatest Hits Gaua lelopean

Capsularen hiru disko berrargitaratuko ditu Gaztelupeko Hotsakek

2012-04-19T09:32:43

Aspalditik egoitza Bilbon duen Capsula rock talde argentinarrak hiru disko berrargitaratuko ditu CD eta LP formatuan Gaztelupeko Hotsak zigiluaren laguntzarekin: Sublime (1999); Yudoka (2000), eta Capsula (2002)

The Uski’s-ek “Tximinotan” lana aurkeztu du

2012-04-18T13:26:40

The Uski’s boskote bizkaitarrak Tximinotan (Baga Biga) izenburuko laugarren lana argitaratu du. Anartz Laka (gitarra eta koruak) eta Oier Laka (gitarra, baxua, organoa eta koruak) taldekideek aurkeztu dute azken lan hori gaur goizean Bilbon, Ritxi Aizpuru Baga Biga diskoetxeko ordezkariarekin batera

Mundu osoko taldeek joko dute Haizetara jaialdian

2012-04-17T09:31:12

Amorebieta-Etxanoko Udalak antolatuta, Kale-Musikaren Nazioarteko Haizetara Jaialdia ekainaren 22tik 24ra bitartean egingo dute. Aurten, 15 herrialdetako 41 talde inskribatu dira, inoiz baino gehiago, eta antolatzaileek bederatzi hautatu dituzte

Ermuko folk lehiaketan parte hartzeko epea zabalik da

2012-04-16T10:24:40

Ermuko Flokez Blai folk lehiaketaren zazpigarren edizioaren deialdia zabaldu dute antolatzaileek. Hala, bertan parte hartu nahi duten taldeek lau kantuko grabazioa aurkeztu beharko dute maiatzaren 15a baino lehen. Kantu horietatik bi gutxienez orijinalak beharko dute izan

RSS musika